Lasarusar

Strákarnir okkar halda áfram að vera lasnir...þetta fer nú að verða gott finnst okkur familunni. Þeir voru á 5.pencilin skammtinum en það sem dularfullt er að með honum voru þeir að fá hita, hafa verið kannski hitalausir á morgnanna en svo hefur hitinn stigið með deginum og loks náð toppi á næturna. Eyrun eru ekki nógu góð, þrátt fyrir þessar endurteknu meðferðir. Hne-læknirinn vill setja í þá rör við fyrsta tækifæri en það er ekki hægt þegar menn eru með sýkingu í eyrunum. Fórum með þá á barnspítalann í fyrradag og vorum við þar í allnokkra tíma. Þeir fóru í blóðprufu og komu niðurstöðurnar úr þeim að hluta til þarna strax á eftir. Líklegast er að Þorsteinn sé með einhverja bakteríusýkingu en bróðir hans með veirusýkingu. Þorsteinn fékk skot(sýklalyf) í lærið en bróðir hans slapp við það. Síðan hafa þeir ekki verið mikið skárri þe. munstrið hefur verið það sama, þó virðist Hallgrímur eitthvað skárri. Síðustu nætur hefur Þorsteinn enn verið að fá hitatoppa um miðnætti, var td. eins og eldhnöttur í nótt. Á meðan á þessu ósköpum stendur hafa þeir frekar litla matalyst, Hallgrímur borðar þó eitthvað en Þorsteinn vill eiginlega ekki neitt. Þeir eru samt báðir tveir duglegir að drekka og það munar öllu. Ætlum að hafa samband við barnalækni enn einu sinni í dag og sjá hvað þeir segja.
Þrátt fyrir þetta allt eru þeir kátir og glaðir inni á milli, léku sér td alveg frá kl.16-21 á barnaspítalanum á meðan við vorum að bíða.
Látum nú einhverjar góðar fréttir fljóta með en nýjasta sportið hjá þeim núna er að skiptast á snuðum, tékka aðeins á því hvort brósa snuð sé eitthvað betra heheh...smjatta á því í svolítinn tíma og skipta svo. Þorsteinn er farinn að henda öllu mögulegu í gólfið og segir svo gakk....Skemmtilegt að sjá hvernig þeir mannast með hverri vikunni og orðaforði og skilningur eykst.

Bkv. álfarnir
ps. annars hvetjum við alla til þess að kvitta fyrir sig, þannig að við getum séð hverjir eru að fylgjast með okkur :)